ఆల్కహాల్ ఆరోగ్యానికి చాలా హానికరం అని నిరూపిస్తుంది. అతిగా మద్యం సేవించడం వలన మీరు అనేక తీవ్రమైన సమస్యలను ఎదుర్కోవలసి వస్తుంది. Mayo Clinic ప్రకారం, ప్రతిరోజూ మద్యం సేవించడం వల్ల చాలా చెడు దుష్పభావాలు ఉంటాయి. అన్ని ఆల్కహాల్ పానీయాల మాదిరిగానే, ఎక్కువ పరిమాణంలో బీర్ తాగడం ఆరోగ్యానికి చెడుగా మారుతుంది. అధిక మోతాదులో బీర్ తీసుకోవడం వల్ల జీర్ణ సమస్యలు, నిద్రలేమి, తలనొప్పి వంటి సమస్యలు వస్తాయి.

అదే సమయంలో, బీరును నిరంతరం తీసుకోవడం వల్ల ఊబకాయం అధిక రక్తపోటు, కాలేయం దెబ్బతినడం, గుండె జబ్బులు, నిరాశ ప్రమాదం కూడా గణనీయంగా పెరుగుతుంది. కాబట్టి మీరు బీర్ తాగడం మానేయడానికి ఏ సంకేతాలు ఉన్నాయో తెలుసుకుందాం. అధిక రక్తపోటు- మీరు ప్రతిరోజూ బీర్ తీసుకుంటే, మీ రక్తపోటు ఎక్కువగా ఉంటే, బీర్ మానేయడం మీకు చాలా ప్రయోజనకరంగా ఉంటుంది. ఆల్కహాల్ అధికంగా తీసుకోవడం వల్ల గుండె జబ్బులు, స్ట్రోక్ వచ్చే ప్రమాదం పెరుగుతుంది.

నిద్ర లేకపోవడం, నిద్రలేమి, పగటిపూట నిద్రపోవడం – ఆల్కహాల్లో ఉన్న కొన్ని మూలకాల కారణంగా, మీరు దానిని తాగిన వెంటనే మీకు నిద్ర వస్తుంది. కానీ, మద్యం సేవించడం వల్ల మీకు గాఢంగా నిద్ర పట్టదు. అలాగే, ఆల్కహాల్ కారణంగా, మీరు తరచుగా మూత్రవిసర్జనకు గురవుతారు. దీని కారణంగా మీరు గాఢంగా నిద్రపోలేరు. మంచి నిద్రను పొందాలనుకుంటే, నిద్రవేళకు ముందు ఎప్పుడూ బీర్ తీసుకోవద్దు.

బీర్ తాగుతున్న వారికి అలర్ట్.. శరీరంలో ఈ లక్షణాలు కనిపిస్తే.. ఇక అంతేనట..
హై లివర్ ఎంజైమ్లు- కాలేయ ఎంజైమ్లను గుర్తించడానికి, మీరు సంవత్సరానికి ఒకసారి మీ ఫిజికల్ చెకప్ చేయడం చాలా ముఖ్యం. ఎక్కువ ఆల్కహాల్ తీసుకోవడం వల్ల కాలేయంలోని ఎంజైమ్లు అధికమవుతాయి. కొన్నిసార్లు మందులు, ఇన్ఫెక్షన్ల వల్ల కూడా లివర్ ఎంజైమ్లు అధికమవుతాయి. రక్త పరీక్షలో AST (అస్పార్టేట్ అమినోట్రాన్స్ఫేరేస్), ALT (అలనైస్ ట్రాన్సామినేస్) వంటి అధిక కాలేయ ఎంజైమ్లు కనిపిస్తే, మీ కాలేయానికి విరామం అవసరమని అర్థం.