శారీరక, మానసిక ఆరోగ్యం బాగుండాలంటే మంచి ఆహారం తీసుకోవడం ఎంతో ముఖ్యం. అందులోనూ పండ్లు, కూరగాయలు వంటి పోషకాహారం బాగా తీసుకోవాలి. ముఖ్యంగా శరీరానికి అవసరమైన విటమిన్లు, ఖనిజాలు, యాంటీ ఆక్సిడెంట్లు పుష్కలంగా ఉంటాయి. కొన్ని కూరగాయల్లో కంటికి మేలు చేసే విటమిన్ ఎ అధికంగా ఉంటుంది. మరికొన్ని కూరగాయల్లో చర్మానికి , రోగనిరోధక వ్యవస్థకు మేలు చేసే విటమిన్ సి సమృద్ధిగా ఉంటుంది.

బీట్ రూట్: ఇందులో నైట్రేట్స్, ఫోలిక్ యాసిడ్ సమృద్ధిగా ఉంటాయి. ఇవి మెదడును ఆరోగ్యంగా ఉంచడంలో సహాయపడుతాయి. ముఖ్యంగా నైట్రేట్లు మెదడుకు రక్త సరఫరా ప్రక్రియను మెరుగుపరుస్తాయి. అలాగే ఫోలిక్ యాసిడ్, విటమిన్ B వంటి రుగ్మతల ప్రమాదాన్ని తగ్గిస్తుంది.

బ్రోకలీ : బ్రోకలీ, కాలీఫ్లవర్ లాంటివి మెదడుకు ఆరోగ్యకరమైన కూరగాయలు. వీటిలో విటమిన్ కె ఉంటుంది. ఇది జ్ఞాపకశక్తిని మెరుగుపరచడానికి అలాగే మెదడును ఆరోగ్యంగా ఉంచడానికి సహాయపడుతుంది. గ్రీస్ లీఫీ వెజిటేబుల్స్ : ఈ కూరగాయల్లో యాంటీ ఆక్సిడెంట్లు, బీటా కెరోటిస్, విటమిన్ కె పుష్కలంగా ఉంటాయి. ఇవన్నీ మెదడు పనితీరును మెరుగుపరుస్తాయి. ఇక యాంటీఆక్సిడెంట్లు శరీరంలో ఫ్రీ రాడికల్స్ దెబ్బతినకుండా సహాయపడతాయి.

క్యారెట్లు: క్యారెట్లు, చిలగడదుంపలు, ఎర్ర మిరియాలు తదితర కూరగాయల్లో బీటా కెరోటిస్ ఉంటుంది. ఇది మెదడును ఆరోగ్యంగా ఉంచడంలో సహాయపడుతుంది. బీటాకెరోటిస్ అనేది యాంటీ ఆక్సిడెంట్, ఇది శరీరానికి ఫ్రీ రాడికల్ డ్యా మేజ్ ని ఆపుతుంది. అలాగే జ్ఞాపకశక్తిని మెరుగుపరుస్తుంది.