ఆహారంలో నిర్లక్ష్యం, ఆరోగ్యంపై శ్రద్ధ లేకపోవడం వల్ల మధుమేహం వంటి తీవ్ర వ్యాధుల బారిన పడే ప్రమాదం ఉంది. ప్యాంక్రియాస్లో ఇన్సులిన్ లోపం ఉన్నప్పుడు, రక్తంలో గ్లూకోజ్ పరిమాణం పెరుగుతుందని, ఈ సమస్య కారణంగా డయాబెటిస్ వ్యాధి సంభవిస్తుంది. డయాబెటిస్లో మూడు ప్రధాన రకాలు ఉన్నాయి, వీటిలో టైప్ 1 డయాబెటిస్, టైప్ 2 డయాబెటిస్, జెస్టేషనల్ డయాబెటిస్ ఉన్నాయి. డయాబెటిక్ కిడ్నీ వ్యాధి అంటే ఏంటి..? దాని లక్షణాలు, చికిత్స గురించి తెలుసుకుందాం.

డయాబెటిక్ కిడ్నీ వ్యాధి అంటే ఏంటి? డయాబెటిక్ కిడ్నీ వ్యాధి చాలా కాలం పాటు అధిక గ్లూకోజ్ స్థాయిల వల్ల వస్తుంది. ఆరోగ్య నిపుణుల అభిప్రాయం ప్రకారం, టైప్ -2 డయాబెటితో బాధపడుతున్న రోగులలో 40 శాతం,
టైప్ -1 రోగులలో 30 శాతం మందికి డయాబెటిక్ కిడ్నీ వ్యాధి వచ్చే ప్రమాదం ఉంది. ఇది కాకుండా, గ్లూకోజ్ స్థాయి నిరంతరం పెరగడం వల్ల, కిడ్నీ నాళాలు దెబ్బతింటాయి. మూత్రపిండాలు కూడా బలహీనపడటం ప్రారంభిస్తాయి. దీని వల్ల శరీరంలోని వ్యర్థాలను మూత్రపిండం తొలగించలేకపోతుంది. ఈ కారణాల వల్ల డయాబెటిక్ కిడ్నీ వ్యాధి సమస్య మొదలవుతుంది. ఇందులో కిడ్నీ బలహీనత, కిడ్నీ వ్యర్థాలను సరిగ్గా ఫిల్టర్ చేయలేకపోవడం.. కిడ్నీ వాపు వంటి సమస్యలు ఉంటాయి.

టైప్-2 డయాబెటిస్ ఉన్న వారు కిడ్నీ సమస్యలు రావొచ్చు.. డయాబెటిక్ కిడ్నీ ప్రమాదాన్ని తగ్గించే చిట్కాలు: •రక్తపోటును అదుపులో ఉంచుకోవాలి.
• రక్తంలో గ్లూకోజ్ పరిమాణం పెరగనివ్వవద్దు.
• కొలెస్ట్రాల్ స్థాయి పెరగనివ్వవద్దు.
• ఆరోగ్యకరమైన ఆహారాన్ని అనుసరించండి.
• తక్కువ ఒత్తిడిని తీసుకోండి.
•వ్యాయామం చేయండి.