Gas Problem: కడుపు ఉబ్బరంగా ఉంటుందా ? పిత్తులు ఎక్కువగా వస్తున్నాయా? అందరి మధ్యలో ఇబ్బందికరంగా ఫీల్ అవుతున్నారా? గ్యాస్టిక్ ట్రబుల్ వల్లే పిత్తులు ఎక్కువగా వస్తుంటాయి. కడుపు ఉబ్బరంగా ఉండటం, ఆకలి లేకపోవడం, ఛాతిలో మంట మొదలైనవి గ్యాస్ ట్రబుల్ లక్షణాలు. పొట్టలోని ఆమ్లాలు ఎక్కువగా ఉత్పత్తి కావడం వల్ల ఈ సమస్య తలెత్తుతుంది.

వేళకు ఆహారం తీసుకోకపోవడం, మానసిక ఒత్తిడి, సరిగా నిద్రపోకపోవడం, మసాలా ఆహారం కారణంగా గ్యాస్ సంబంధిత సమస్యలు తలెత్తుతాయి. ఆహారం జీర్ణమయ్యేటప్పుడు పొట్టలో హైడ్రోజన్, మీథేన్ లేదా కార్బన్ డై ఆక్సైడ్ లాంటి వాయువులు ఉత్పన్నం అవుతాయి. అవి బయటకు వెళ్లకపోయినా, అధికంగా పేరుకుపోయినా పొట్టలో అసౌకర్యంగా అనిపిస్తుంది. మసాలా ఫుడ్, కార్బోహైడ్రేట్లు ఎక్కువగా ఉండే బీసీ, క్యాబేజీ, చక్కెర పదార్థాలు, పళ్ల రసాలు త్వరగా జీర్ణం కావు. అలాంటి ఆహారం జీర్ణమయ్యే క్రమంలో కడపులో వాయువులు విడుదలవుతాయి.

వాము : వాములో థైమోల్ అనే పదార్థం ఉంటుంది. ఇది జీర్ణ రసాలను స్రవిస్తుంది. కాబట్టి రోజుకు ఒకసారి అర టీ స్పూన్ వామును నీటిలో కలిపి తీసుకోవడం వల్ల గ్యాస్ ట్రబుల్ నుంచి ఉపశమనం లభిస్తుంది. * జీరా వాటర్ : జీరా వాటర్ గ్యాస్ సమస్యకు చక్కటి రెమెడీ. జీలకర్రలో ఉండే సంతృప్త నూనెలు లాలాజల గ్రంథులను ఉత్తేజపరుస్తాయి. ఫలితంగా ఆహారం చక్కగా జీర్ణం కావడంతోపాటు పొట్టలో అధిక గ్యాస్ ఏర్పడదు. రెండు కప్పుల జీలకర్రను పావు గంటపాటు మరిగించాలి. చల్లారిన తర్వాత వడగట్టి భోజనం తర్వాత తాగడం వల్ల ఫలితం ఉంటుంది.

ఇంగువ : అర టీ స్పూన్ ఇంగువను గోరువెచ్చని నీటిలో కలిపి తాగడం వల్ల కడుపు ఉబ్బరం తగ్గుతుంది. ఇది కడుపులో గ్యాస్ ఉత్పత్తికి కారణమైన బ్యాక్టీరియా పెరగకుండా చూస్తుంది. ఇంగువ వాత దోషాలను తగ్గిస్తుందని ఆయుర్వేదం చెబుతోంది. * అల్లం : భోజనం తర్వాత టీ స్పూన్ తాజా అల్లాన్ని టీ స్పూన్ నిమ్మరసంతో కలిపి తీసుకోవడం వల్ల గ్యాస్ సంబంధిత సమస్యలు దూరం అవుతాయి. అల్లం టీ తాగడం వల్ల కూడా ఫలితం ఉంటుంది. అల్లం గ్యాసను తగ్గిస్తుంది

నిమ్మరసం, బేకింగ్ సోడా : టీ స్పూన్ నిమ్మరసం, అర టీ స్పూన్ బేకింగ్ సోడాను కప్పు నీటిలో కలిపి భోజనం తర్వాత తాగడం వల్ల పొట్టలో కార్బన్ డయాక్సైడ్ ఏర్పడదు.
* త్రిఫల చూర్ణం : అర టీ స్పూన్ త్రిఫల చూర్ణాన్ని 5-10 నిమిషాలపాటు నీటిలో మరిగించి పడుకునే ముందు తాగడం వల్ల ఫలితం ఉంటుంది. చూర్ణాన్ని అధిక మోతాదులో తీసుకోకూడదు.